Ourense, 6 de marzo do 2020 | O Colexio Oficial de Enfermería de Ourense, representado pola súa presidenta, Ascensión Pérez Sampayo, asistiu ó almozo en celebración do Día Internacional da Muller organizado polas doutoras da clínica dental Iglesias & Piñón.
Este evento, vense representando dende fai anos, coa intención de conmemorar a loita que moitas mulleres emprenderon a favor das condicións xustas e de maior equidade entre xéneros. Foron invitadas mulleres de diferentes ámbitos, e o resultado foi unha charla moi amena, da que xurdiron moitas e ideas e iniciativas para poñer en marcha durante este 2020.
Agradecemos moito a invitación e agardamos seguir participando nestes proxectos que dan visibilidade ás mulleres da provincia.