A Asociación Galega de Enfermaría Familiar e Comunitaria (AGEFEC) organiza, en colaboración coa Sociedade Española de Médicos Xerais (SEMG), o I Encuentro de Medicina y Enfermería de Familia y Comunitaria, que se celebrará os días 30 e 31 de maio de 2025 en Sanxenxo, baixo o lema “Innovar, Colaborar y Cuidar: La Esencia de la Salud Comunitaria”.
Estas xornadas multidisciplinares nacen co propósito de fortalecer a sinerxia entre profesionais de enfermaría e medicina de atención primaria.
O programa inclúe mesas redondas, relatorios científicos e talleres prácticos sobre temas como o manexo da dor persistente, as enfermidades de transmisión sexual, a atención á saúde mental, a cronicidade ou o uso responsable das redes sociais. Participarán profesionais de recoñecido prestixio na atención primaria galega e estatal.
Entre as intervencións destacadas figuran a de Iria Otero Tenorio, enfermeira de familia, sobre a atención á multimorbilidade no paciente maior, ou a de Melania Fraga Deus, sobre novas perspectivas no tratamento da EPOC. O programa tamén inclúe talleres prácticos sobre espirometría, índice tobillo-brazo, con participación activa de profesionais de enfermaría.
A inscrición está aberta tanto para socios como para non socios de AGEFEC e SEMG.
A actividade foi recoñecida de Interese Sanitario pola Consellería de Sanidade.
Máis información sobre o programa completo e inscricións na web oficial da SEMG.
