RESOLUCIÓN do 1 de abril de 2025, da Dirección Xeral de Recursos Humanos, pola que se procede ao nomeamento como persoal estatutario fixo e á adxudicación de destino definitivo ás persoas aspirantes seleccionadas no proceso selectivo, polo sistema de concurso, para o acceso á condición de persoal estatutario fixo na categoría de enfermeira/o especialista en saúde mental, convocado pola Resolución do 3 de xullo de 2023.
Publícase a relación actualizada de aspirantes definitivamente seleccionados/as no proceso selectivo e noméase persoal estatutario fixo do Servizo Galego de Saúde na categoría de enfermeira/o especialista en saúde mental as persoas aspirantes que se inclúen no anexo desta resolución.
Adxudícaselles aos aspirantes, con carácter de destino definitivo, a praza que figura no indicado anexo e declárase finalizado para os aspirantes o concurso de méritos para o ingreso na categoría de enfermeira/o especialista en saúde mental correspondente, convocado pola Resolución da Dirección Xeral de Recursos Humanos do 3 de xullo de 2023.