RESOLUCIÓN do 28 de febreiro de 2025, da Dirección Xeral de Recursos Humanos, pola que se publica a relación de aspirantes definitivamente seleccionadas/os no proceso selectivo, polo sistema de concurso, para o acceso á condición de persoal estatutario fixo na categoría de persoal enfermeiro especialista na especialidade de saúde mental convocado pola Resolución da Dirección Xeral de Recursos Humanos do 3 de xullo de 2023, e se convoca o acto telemático de elección de destino
Publícase, como anexo I desta resolución, a relación das/dos aspirantes seleccionadas/os neste proceso.
As prazas adxudicaranse entre as/os aspirantes pola orde de puntuación acadada no proceso, con preferencia a favor dos/das aspirantes que accederon pola quenda de promoción interna e segundo a prelación de destino/s que efectuasen, que terá carácter vinculante e irrenunciable.
Ábrese un prazo de dez (10) días hábiles contados a partir do seguinte día hábil ao desta publicación para que todos/as os/as aspirantes que participan no proceso seleccionen telematicamente, a través do sistema de información Fides/expedient-e, os destinos ofertados por orde de prelación entre a relación de prazas ofertadas.