A presidenta do COE Ourense estivo presente na toma de posesión da nova xunta de goberno do Colexio de Economistas de Ourense | FONTE: COE OURENSE
Ourense, 31 de marzo de 2023. O remodelado edificio onde se ubica o Arquivo Histórico Provincial foi este mércores o escenario escollido para celebrar a toma de posesión da nova xunta directiva do Colexio de Economistas de Ourense.
A presidenta do COE Ourense, Ascensión Pérez Sampayo, quixo acompañar e apoiar neste acto a Mª del Carmen Sampayo David, a decana-presidenta do Colexio de Economistas de Ourense, quen renova deste xeito o seu mandato, ao que chegou en 2019, por catro anos máis.
Ao igual que ocorre no Colexio Oficial de Enfermería de Ourense, o Colexio de Economistas de Ourense está encabezado por unha muller que avoga por impulsar as relacións entre as institucións que representan e coa sociedade en xeral, levando a defensa do seu colectivo profesional por bandeira. Ademais, ambas presidentas teñen incrementado a presenza das súas institucións a grande escala no Consejo General de Economistas e no Consejo General de Enfermería, respectivamente.
Tralo acto de toma de posesión da nova xunta de goberno, que estivo presidido por Miguel Ángel Vázquez Taín, presidente do Consello Galego de Economistas, o encontro pechouse cun ágape no que os asistentes puideron coñecer de preto, de forma máis distendida, as liñas de traballo e obxectivos do Colexio de Economistas de Ourense para o desarrollo profesional do colectivo.