A doutora África González pecha as xornadas divulgativas Referentes da Medicina coa presentación do seu libro 'Inmuno power'

IMG 20230317 WA0004A doutora África González asinando a dedicatoria para o Colexio Oficial de Enfermería de Ourense ante a tesoureira da entidade, a enfermeira Olga Iglesias | FONTE: COE OURENSE.

 

Ourense, 17 de marzo de 2023. Onte tivo lugar a última das xornadas divulgativas ‘Referentes de la Medicina’ posta en marcha por Executivas de Galicia xunto coa asociación María Andrea e o Colexio Oficial de Médicos de Ourense. A encargada de pechar estas xornadas foi a médica e catedrática en inmunoloxía, África González Fernández.

A doutora e investigadora, quen presentou o seu libro Inmuno Power, estivo acompañada por Carla Reyes Uschinsky, presidenta de Executivas de Galicia, e por Pilar Garzón Guiteria, presidenta do Colexio Oficial de Médicos de Ourense e urxencióloga.

A nosa tesoureira, a enfermeira Olga Iglesias, estivo presente neste evento celebrado no Liceo, no que África González tivo o detalle de facernos chegar a súa dedicatoria para o Colexio Oficial de Enfermería de Ourense.

Esta presentación do libro de África González puxo o peche de ouro ás xornadas ‘Referentes da Medicina’, as que incluiron tamén as charlas das doutoras Mila Pedreira e María Graña en sesión previas. Aproveitamos a ocasión para agradecer o convite a estas interesantes xornadas e felicitar á organización das mesmas a Executivas de Galicia, ao Colexio Oficial de Médicos de Ourense e á Asociación María Andrea.

 


Imprimir  
Usamos cookies

Este portal web únicamente utiliza cookies propias con finalidad técnica, no recaba ni cede datos de carácter personal de los usuarios sin su consentimiento. Sin embargo, contiene enlaces a sitios web de terceros con políticas de privacidad ajenas a las de OCE OURENSE que usted podrá decidir si acepta o no cuando acceda a ellos.