Galicia necesita aumentar as reservas de sangue dos grupos A positivo e o 0 negativo e solicítase a solidaridade da cidadanía

​A Axencia de Doazón de Órganos e Sangue (ADOS), realiza un chamamento xeneralizado á participación da poboación galega na doazón de sangue e, de maneira especial, aos doantes dos grupos A Positivo e 0 Negativo.

Sala de prensa Sergas (02/03/2023) Fotografía: Sala de prensa Sergas

A Axencia de Doazón de Órganos e Sangue (ADOS), realiza un chamamento xeneralizado á participación da poboación galega na doazón de sangue e, de maneira especial, aos doantes dos grupos A Positivo e 0 Negativo. As reservas destes grupos presentan niveis baixos, polo que é preciso reforzar o permanente chamamento á participación nas campañas de doazón que realiza a Consellería de Sanidade por mediación de ADOS. Cómpre lembrar que os hospitais de Galicia necesitan entre 400 e 500 diarias para desenvolver de maneira eficaz o seu gran labor asistencial

Ademais, as distintas unidades móbiles da Axencia de Doazón de Órganos e Sangue visitarán nestes días diferentes concellos galegos para conseguir as doazóns precisas que garantan o desenvolvemento asistencial dos distintos centros sanitarios de Galicia.

• Xoves 2 marzo:  E.U. Enfermería e E.U Podoloxía (Ferrol), NATURGY e Bº de las   Flores (A Coruña), Curtis, Arzúa, CPFP FESAN (Santiago),   Caldas  de Reis, O Rosal, Navia (Vigo), IES Perdouro e IES   Monte Castelo (Burela), Friol, Guntín, CIFP Portovello e Bº O   Couto (Ourense)

• Venres 3 marzo:  Bº Esteiro (Ferrol), Carballo, Obelisco (A Coruña), Ribeira, Serra   de Outes, lalín, IES Chapela (Redondela), Colegio Vigo, Burela, IES García Barbón (Verín), Verín.

• Sábado 4 marzo: Carballo, Ribeira, Lalín, Covelo, Mondoñedo

Ademais, tamén se pode doar sangue nos locais de doazón existentes nas sete grandes cidades galegas:

Pode doar sangue calquera persoa maior de idade, que pese máis de 50 quilos e que non padeza nin teña padecido enfermidades transmisibles polo sangue. A doazón de sangue é un acto sinxelo que permite a moitas persoas solucionar o seu problema de saúde e mesmo salvar vidas. Ademais, sinalar que sempre están presentes as máis rigorosas medidas de seguridade.