Resolución da Dirección Xeral de Recursos Humanos do Servizo Galego de Saúde pola que se realiza a convocatoria excepcional no proceso selectivo de estabilización, polo sistema de concurso de méritos para o ingreso nas categorías de enfermeiro/a, fisioterapeuta, logopeda e terapeuta ocupacional.
- As persoas que desexen tomar parte no proceso selectivo deberán cubrir solicitude de participación, en modelo normalizado, a través da Oficina Virtual do Profesional (FIDES/expedient-e/Sección de Procesos/Concurso de Méritos), á cal se accederá seguindo as instrucións que se establecen no Anexo IV, e que logo de formalizada electronicamente deberán imprimir, asinar e presentar nos lugares e prazo indicados nos apartados 5.2 e 5.3, respectivamente.
- Prazo de presentación: As solicitudes de participación poderán presentarse desde o día 16 de xaneiro de 2023 ata o 16 de febreiro de 2023, ambos días incluídos.
- Como requisito necesario para participar no proceso selectivo, deberase aboar previamente en concepto de dereitos de exame o importe de 38,02 euros.
- En aplicación do Decreto 81/2022, pola propia natureza dos procesos de estabilización, destinados a reducir a temporalidade no emprego, non procede efectuar reserva de prazas a promoción interna.
BASES COMPLETAS DA CONVOCATORIA
