Camilo Noguerol, membro da Xunta de Goberno do COE de Ourense: "Só pedimos que Ourense teña unhas Urxencias acordes á terceira cidade de Galicia"

 

colexio enfermeria coruña camilo noguerol

Ourense, martes 15 de febrero de 2022.- Camilo Noguerol, membro da Xunta de Goberno do COE de Ourense e enfermeiro do servizo de Urxencias do Complexo Hospitalario Universitario de Ourense (CHUO) pasou polos micrófonos do Hoy por Hoy de Radio Ourense - Cadena Ser para falar sobre a actual situación desta unidade. O persoal de Urxencias volveu mobilizarse este martes ás portas de entrada do servizo entre as 14,50 e as 15,10 horas, coincidindo co cambio de quenda, tras non chegar a acordo na última reunión mantida entre a Comisión de Centro, órgano que representa aos traballadores, e a xerencia do CHUO.

Os traballadores piden un incremento da dotación de personal para facer fronte á alta demanda do servizo, unha situación que se viu agravada tras a irrupción da pandemia: "Para nós a estrutura do servizo de Urxencias quedou obsoleta para dar un servicio eficiente. Temos unha provincia con unha das poboacións máis envellecida de España e Europa, e isto repercute na nosa carga de traballo; non chegan as mans", explicaba Noguerol ao xornalista Pepe González.

O persoal alerta de que as circunstancias se agravaron coa irrupción da pandemia: "O covid provocou que estoupara unha situación que xa era insostible, e agora mesmo non podemos dar un coidado de calidade ao usuario. O que pedimos e polo benestar dos pacientes, queremos darlle a mellor atención".

"Somos dialogantes e só buscamos chegar a unha solución, que esperamos chegue máis cedo que tarde. As nosas pretensións son completamente lóxicas: mellorar o servizo, que Ourense teña unhas Urxencias acordes á terceira cidade de Galicia", explica o membro da Xunta de Goberno do COE de Ourense. "Cando chegamos a esta situación na que enfermeiros, celadores, persoal de limpeza nos movilizamos é porque estamos realmente cansos", relata Camilo Noguerol, que alerta de que esta situación lonxe de ser allea á cidadanía, pode incluso afectarlle aos propios traballadores: "Somos personal que traballamos, pero tamén somos ourensáns que podemos ter que precisar dos servizos de Urxencias da cidade".


Imprimir  
Usamos cookies

Este portal web únicamente utiliza cookies propias con finalidad técnica, no recaba ni cede datos de carácter personal de los usuarios sin su consentimiento. Sin embargo, contiene enlaces a sitios web de terceros con políticas de privacidad ajenas a las de OCE OURENSE que usted podrá decidir si acepta o no cuando acceda a ellos.